CAGAYAN, Philippines – Dalawang manggagawa ng Department of Public Works and Highways (DPWH) ang nakaligtas sa pagguho ng lupa na nagbaon sa kanila sa kahabaan ng national highway sa Barangay San Juan, Santa Praxedes, lalawigan ng Cagayan nitong Biyernes ng umaga.
Kinumpirma ni Municipal Disaster Risk Reduction and Management Officer Marlene Miralles na ang parehong mga manggagawa ay nailigtas, kahit na ang isa ay nananatiling nasa kritikal na kondisyon sa isang malapit na ospital.
Sinabi ni Miralles na ang mga biktima, na hindi pinangalanan, ay idineploy malapit sa boundary area ng Ilocos Norte-Cagayan upang bantayan ang trapiko at ang lagay ng panahon nang mangyari ang landslide.
Pansamantalang sarado sa lahat ng uri ng sasakyan ang Manila North Road KO591+550-KO591+600 sa Barangay San Juan habang nagpapatuloy ang clearing operation.
Samantala, hinimok ni Santa Praxedes Mayor Esterlina Aguinaldo ang publiko na manatiling mapagmatyag at mag-ingat sa pagdaan sa mga mabababang lugar at baha. RNT/MND
