2 riders muntik matusta na nagliyab na motor

MANILA, Philippines- Nasunog ang balat ng dalawang rider matapos magliyab ang kanilang mga motorsiklo sa Fairview, Quezon City.

Base sa ulat, sangkot ang dalawang rider sa isang aksidente sa Commonwealth Avenue nitong Biyernes ng umaga.

Agad nailigtas ng mga saksi ang dalawang biktima at naapula ang apoy. Dinala naman ng rescuers ang mga biktima sa ospital.

Samantala, pinaalalahanan ng mga awtoridad ang mga motorista na mag-ingat sa kalsada upang maiwasan ang parehong aksidente. RNT/SA