MANILA, Philippines- Sinabi ng Department of Social Welfare and Development (DSWD) na umabot na sa 25,904 household-beneficiaries ng Pantawid Pamilyang Pilipino Program (4Ps) nationwide ang umalis na o naka-graduate na sa programa matapos na mapabilang sa self-sufficiency status.
Inihayag ito ng DSWD kung saan ang nasabing bilang ay base na rin sa datos nitong first quarter ng taong kasalukuyan.
“The 4Ps Pugay-Tagumpay graduation and exit ceremony is a celebration of the beneficiaries’ milestone and highlights the significant achievement that reflects the dedication and hard work of both the beneficiaries and the program implementers,” ani Asst. Secretary for Disaster Response Management Group Irene Dumlao.
Nabatid na ang mga 4Ps graduates ay kinilala sa ginanap na ‘Pugay Tagumpay’ graduation and exit ceremonies sa iba’t ibang DSWD Field Office, katuwang ang local government units (LGUs).
Ayon kay Asst. Secretary Dumlao, co-spokesperson ng DSWD, ang ‘Pugay Tagumpay’ ay maituturing na komendasyon sa mga benepisyaryo na napabuti ang buhay dahil na rin sa programa ng ahensya sa tulong ng ilang partner stakeholders.
“The graduation of these households signifies not only achieving economic stability but also empowering households with newfound competency to cope with challenges and to contribute to the development of their respective communities. Also, the 4Ps beneficiaries become active partners in connecting the government’s programs and services to other vulnerable and underprivileged families,” paglilinaw ni Dumlao.
Kaugnay nito, sinabi ni Dumlao, ang household beneficiaries na tinatayang nakamit na ang self-sufficiency status kasama na ang mga nagboluntaryong umalis na mula sa programa ay naiendorso na rin sa local government units (LGUs) na kanilang nasasakupan upang mapanatili na mapabuti ang kanilang kalagayan.
Ang 4Ps ay isang flagship program ng gobyerno na naglalayong maiangat ang buhay ng mga mahihirap nating kababayan sa pamamagitan ng pagbibigay ng tulong sa pag-aaral ng mga kabataan, nutrisyon at kalusugan. Santi Celario
