MANILA, Philippines- Sinabi ng Philippine Atmospheric, Geophysical and Astronomical Services Administration (PAGASA) na 26 lugar ang nakaranas ng “dangerous” heat indices nitong Linggo, Mayo 5.
Ayon sa PAGASA, naitala sa Aparri, Cagayan at Guiuan, Eastern Samar ang heat index na 47°C.
Nakaranas naman umano ang Laoag City, Ilocos Norte, at Dagupan City, Pangasinan ng heat index na 45°C, sinundan ng heat index na 44°C sa Bacnotan, La Union; Tguguegarao City, Cagayan; San Jose, Occidental Mindoro; Daet, Camarines Norte; Virac, Catanduanes; Central Bicol State University of Agriculture (CBSUA) in Pili, Camarines Sur; at Roxas City, Capiz.
Sa Ninoy Aquino International Airport (NAIA) sa Pasay City; Ambulong, Tanauan, Batangas; Cuyo, Palawan; Iloilo City, Iloilo; Dumangas, Iloilo; at Catbalogan, Samar, naramdaman ang heat index na 43°C.
Sapul naman ng heat index na 42°C ang Mariano Marcos State University (MMSU) sa Batac, Ilocos Norte; Casiguran, Aurora; Baler, Aurora; Alabat, Quezon; Mulanay, Quezon; Puerto Princesa City, Palawan; Masbate City, Masbate; Tacloban City, Leyte; at Dipolog, Zamboanga del Norte. RNT/SA
