MANILA, Philippines – Sinabi ng Philippine National Police-Highway Patrol Group (PNP-HPG) na sinibak sa pwesto ang tatlo sa mga pulis nito dahil sa umano’y hindi awtorisadong pagdaan sa EDSA busway noong nakaraang linggo.
Ayon kay PNP-HPG spokesperson PLt. Nadame Malang, ang relief order sakop ang dalawang non-commissioned officers at isang police-commissioned officer ay epektibo Enero 7.
“Our director already gave this order na ma-relieve itong mga tropa natin to give justice and leeway din doon sa investigation na kino-conduct ng ating Highway Patrol Group,” ani Malang.
Inilagay sa floating status ang tatlong HPG personnel habang nagpapatuloy ang imbestigasyon.
Nilinaw naman ng HPG na walang kaugnayan si PNP chief PGen. Rommel Marbil sa insidente. RNT/JGC
