Isang mapaminsalang sunog ang sumiklab sa Riverside Compound, Barangay Camp 6, Tuba, Benguet, noong Bagong Taon, kung saan 36 na pamilya ang nawalan ng tirahan.
Nagsimula ang sunog ala-1 ng madaling araw at apektado ang 155 indibidwal na nakatira sa 24 na bahay.
Ang mga lumikas na pamilya ay kasalukuyang naninirahan sa Camp 6 Elementary School at sa Barangay Camp 4 multi-purpose hall. Iniimbestigahan pa ang sanhi ng sunog at ang kabuuang halaga ng pinsala.
Ang mga nagnanais tumulong sa mga apektadong pamilya ay maaaring mag-drop ng mga donasyon sa Camp 6 Jeepney terminal at staging area sa Baguio City, kung saan sila ihahatid sa mga biktima sa Camp 6. RNT
