MANILA, Philippines – Apat na ang nasawi sa matinding pagbaha sa Barangay Tanuman, Jose Abad Santos, Davao Occidental noong Hulyo 10, 2026.
Ito ay matapos makita ng mga awtoridad ang isa pang katawan na pinaniniwalaang tinangay ng baha.
Sa Facebook post, iniulat ni Mayor Jason John Joyce na ang bangkay ay nakuha sa Barangay Malalan kasabay ng search, rescue, at retrieval operations.
Inaalam pa ng mga awtoridad ang pagkakakilanlan ng biktima upang matukoy kung ito nga ang kabilang sa mga iniulat na nawawala.
Dagdag pa, may narekober din na bahagi ng katawan.
Nananatili sa lima ang bilang ng mga nawawala sa naturang pagbaha.
Nauna nang sinabi ng Municipal Information Office na 10 miyembro ng apat na pamilya sa Barangay Tanuman ang tinangay ng tubig-baha na biglaan na lamang tumaas. RNT/JGC
