MANILA, Philippines – Ayon sa Department of Health (DOH), umabot na sa mahigit 400 ang naitalang mga insidente ng aksidente sa kalsada dahil sa holiday exodus.
Mula Disyembre 21 hanggang Disyembre 29, 2025, nakapagtala ang DOH ng kabuuang 414 kaso ng mga aksidente sa kalsada, at 305 sa mga ito ay kinasasangkutan ng mga motorsiklo.
Dalawampu’t siyam na kaso ang bago, base sa datos mula sa 10 sentinel hospital na minomonitor ng ahensya. Apat na indibidwal ang namatay dahil sa mga aksidente sa motorsiklo, ayon sa DOH.
Sa kabuuang kaso, 343 ang natagpuang hindi gumagamit ng mga safety accessories tulad ng helmet at seatbelt. May 58 kaso rin na natagpuang lasing nang mangyari ang insidente.
Sinabi ng DOH na karamihan sa mga nasangkot sa aksidente ay may edad na 15 hanggang 29.
Pinapaalalahanan ng DOH ang mga gumagamit ng motorsiklo na lalo na’t magsuot ng helmet na aprubado ng Department of Trade and Industry (DTI), at mga driver at pasahero ng sasakyan na magsuot ng seatbelt habang naglalakbay, lalo na sa panahon ng holiday rush na ito.
Pinapayuhan rin ng DOH ang mga motorista na huwag magmaneho kapag lasing, sundin ang mga limitasyon sa bilis at mga tanda sa kalsada, at siguraduhin na ang mga driver ay may 7 hanggang 8 oras na tulog bago magmaneho.
Ang mga motorista na nakakaranas ng aksidente sa kalsada ay maaaring tumawag sa 911 emergency hotline o 1555 DOH emergency hotline. Jocelyn Tabangcura-Domenden
