NAPAKAHALAGA ang ginagampanan ng truckers sa takbo ng ekonomiya ng bansa lalo sa Pilipinas na itinuturing na mahirap dahil kasama pa sa tinatawag na developing nation sa mundo.
Mismong si Pangulong Ferdinand Marcos, Jr., ay kinikilala ang ‘valuable role’ ng truckers sa “nation building” kaya sa bawat problema ay nakaagapay para matiyak na smooth ang hauling operation ng mga ito.
Batid ng lahat na ang mga truck ang nagsasakay at naghahatid sa dumarating na imported products sa iba’t ibang lugar at lokal na produkto patungo sa ibang bansa kaya tumatakbo’t nabubuhay ang ekonomiya ng Pilipinas.
Alam ni Pangulong Marcos ang kahalagahan ng trucking kaya alinsunod sa sinasabi niyang ‘ease of doing business’ ay nagpalabas ito kamakailan ng direktiba laban sa kotongerong law enforcers na nagpapahirap sa mga trucker.
Ang Executive Order 41, inisyu ni PBBM ilang buwan na ang nakakaraan na nag-uutos sa lokal na pamahalaan na isantabi ang pinaiiral na traffic ordinance violation para sa maayos na daloy ng trucking operation.
Ang mga local ordinance kasi ay hindi nagagamit sa tamang adhikain ayon sa pagkaka-aprub nito sa konseho bagkus ay ginagawang dahilan ng mga traffic enforcer para makapangotong na ang mga biktima ay mga trucker.
Pero bukod sa problemang kotongan sa kalsada ay may problema din ang mga trucker sa loob ng Port Management Office, National Capital Region – North na dapat sigurong bigyang pansin ng Pangulo.
Maaring balewala lang sa mga namunumo ng PMO- NCR North pero malaking abala at problema ito ng mga trucker, na anila’y hindi tumutugon sa ‘ease of doing business’ na bukambibig at nais mangyari ni Pangulong Bongbong.
Maraming trucker ang ‘di makabiyahe, umiiyak na sa buwisit dahil buwan na ang binilang ay ‘di pa nakukuha ang kanilang Permit to Operate renewal sanhi ng super bagal at mala-pagong daw na proseso ng papeles sa PMO – NCR north.
Ayaw ni Philippine Ports Authority General Manager Atty. Jay Santiago at Department of Transportation and Communication Secretary Jaime Bautista ang mga kawani na kung kumilos ay mabagal kaya dapat ay umayos ang mga taga- PMO – NCR North.
