MANILA, Philippines – Nasamsam ng pulisya ang nasa 93,000 litro ng produktong petrolyo sa operasyon laban sa hinihinalang illegal trading sa Tarlac.
Sa pahayag, sinabi ng Central Luzon police na siyam ang naaresto sa operasyong ito sa Barangay San Rafael sa Tarlac City.
“The operation, conducted through a court-issued search warrant, led to the arrest of the establishment’s 46-year-old owner and eight employees,” ayon sa pulisya.
Naaktuhan ng mga operatiba ang mga empleyado na naglilipat ng petroleum products mula sa isang tanker truck patungo sa isa pa.
Dito na inimbestigahan ng pulisya ang posibleng illegal fuel trading at diversion.
“Seized during the operation were nine tanker trucks containing approximately 88,000 liters of gasoline, 22 intermediate bulk containers holding 3,000 liters of gasoline, and two storage tanks containing 2,000 liters of diesel fuel,” dagdag pa.
Ayon pa sa pulisya, nakumpiska ang fuel transfer equipment, financial documents, at P146,537 ng cash na pinaniniwalaang mula sa pagbebenta ng petrolyo.
Isinagawa ang operasyon ng Regional Special Operations Group ng Regional Intelligence Division 3, Tarlac City police, Tarlac provincial police, at mga operatiba mula sa Criminal Investigation and Detection Group.
Nahaharap sa reklamong paglabag sa Batas Pambansa Bilang 33, ang mga nasa likod nito. RNT/JGC
