MANILA, Philippines – Isusulong ng Philippine Navy (PN) ang modernization programs upang epektibong maprotektahan ang maritime domains ng bansa.
“We shall continue our strides to modernize, cooperate with agencies, collaborate with like-minded partners, and recalibrate our response relative to the developments in our security environment. All these actions are tantamount to our relentless commitment to protect our seas and secure our citizens’ future now and in the years to come,” saad sa pahayag ni PN chief Vice Admiral Toribio Adaci Jr. nitong Linggo, Mayo 12.
Ang pahayag ng Navy chief ay kasunod ng matagumpay na Balikatan military exercises kung saan ang barko nitong
BRP Jose Rizal (FF-150), ay matagumpay na napakawalan ang C-Star anti-ship cruise missile sa kauna-unahang pagkakataon.
Sa nagpapatuloy na modernization program, inaasahan ang PH Navy na makatanggap ng dalawang brand-new guided missile corvettes, at anim na offshore patrol vessels mula sa South Korean defense contractor HD Hyundai Heavy Industries, at dalawang landing dock platforms mula sa Indonesian shipbuilder PT PAL sa susunod na dalawa o tatlong taon.
Inaasahan din na bibili ang PN ng karagdagang brand-new anti-submarine helicopters para palakasin ang nalalapit nang ideliber na guided missile corvettes.
Noong Mayo 8, ang PN, sa pamamagitan ng Office of the Naval Strategic Studies and Strategy Management (ONSSSM), ay nagsagawa ng Maritime Security Symposium (MSS) 2024 sa Novotel Manila Araneta, Quezon City.
Tinutukan nito ang paradigm shift na may temang “Turning the Tides in the West Philippine Sea: Towards a Comprehensive Archipelagic Security,” na dinaluhan ng panel of experts at mga lider na nagbahagi ng iba’t ibang pananaw sa maritime issues, partikular na sa West Philippine Sea. RNT/JGC
