Lalaki lasing, nahulog sa ilog sa Davao

MANILA, Philippines – Nahulog ang isang lalaki sa Barangay Coronan, Sta. Cruz, Davao del Sur nitong Linggo, Hunyo 30 sa kasagsagan ng malakas na ulan.

Ayon sa ulat, nakita umano ang lalaki na tila nakainom dahil pagewang-gewang ito habang
naglalakad sa gilid ng ilog.

Na-videohan pa ito ng isang netizen at kalaunan ay nakitang nahulog na lamang ang lalaki at tinangay ng rumaragasang agos ng ilog.

Tumawag ng mga rescuer ang mga residente ngunit hanggang sa ngayon ay hindi pa rin nakikita ang lalaki. RNT/JGC