Metro Manila Subway project 14.48% kumpleto na – DOTr

MANILA, Philippines- Umabot na sa makabuluhang pag-unlad ang pagtatayo ng unang underground railway system ng Pilipinas ang Metro Manila Subway Project .

Ipinakita ni DOTr Undersecretary Timothy John R. Batan sa Presidential Communications Office “Build Better More” Infrastracture Forum ang progreso ng legacy projects at mga nagawa sa Infrastracture Flagships Projects sa ilalim ng administrasyon ni Pangulong Ferdinand Marcos Jr., kung saan ang Metro Manila Subway, itinututring na pinakaambisyosong proyekto sa imprastraktura ng bansa hanggang ngayon, ay nakamit na ang makabuluhang pag-unlad sa pagtatayo nito.

Sinabi ni Batan na naabot na ng subway project noong Maoy 31, 2024 ang 14.48 porsyento ng target completion.

Bukod sa Metro Manila Subway project, nakahanay din ang mga sumusunod na kabilang sa mga proyektong pang-imprastraktura ng DOTr railway sector:

• Unified Grand Station na 81.42% nang natapos

• MRT 3 rehabilitation Project na 83.11 % nang kumpleto

• LRT 1 Cavite Extension Project na 73.50 % nang kumpleto

• MRT Line 7 na 70.98% nang kumpleto

• North-South Commuter railway Project na isang 147-kilometer elevated railway line na magkokonekta sa tatlong rehiyon sa Luzon kabilang ang Metro Manila

• MRT Line 4 at PNR South-Long Haul Project na nasa pre-construction stage habang ang Mindanao Railway Project Phase I ay nasa project development phase

Ang tatlong araw na forum ay isang komprehensibong plataporma upang isulong ang programa ng administrasyon na “Build Better More” Infrastructure upang palawakin ang pang-unawa ng media practitioners sa strategic framework at katayuan at timeline ng infrastructure development policies at programa ng kasalukuyang administrasyon.

Kabilang sa mga departamento na lumahok sa tatlong-araw na forum ay ang Department of Transportation, Department of Public Works and Highways, National Economic and Development Authority, Department of Finance, Department of Agrarian Reforms, Department of Health at Philippine National Police, gayundin ang 40 mamamahayag mula sa tri-media sector.

Kabilang sa mga GOCC ay ang Clark International Airport Corp., Subic Bay Metropolitan Authority, Bases Conversion Development Authority, Philippine Retirement Authority, at Clark Development Corporation. Jocelyn Tabangcura-Domenden