Nagtalo sina Senador Nancy Binay at Senador Alan Cayetano sa pagdinig ng Senado sa P21.7B project para sa bagong Senate building. CESAR MORALES
MANILA, Philippines – Hindi makakasagabal ang nakahaing ethics complaint sa pagpapatuloy ng “factual and independent review” sa lumobong gastusin sa pagpapatayo ng new Senate building, ayon kay Senador Alan Peter Cayetano.
Ngunit, sinabi pa ni Cayetano, chairman ng Senate committee on accounts na nag-iimbestiga sa bagong gusali ng Senado na bukas siya sa pakikipagbati alinsunod sa bagong proseso ng Senate ethics committee.
Sa panayam, sinabi ni Cayetano na marami siyang natuklasang detalye at impormasyon hinggil sa proyekto na itinago sa kanya noong una.
“I think it’s a good idea na magka-conciliation, but in this case kasi this is all about the new Senate building, the delays and the cost, and developing yung story,” ayon kay Cayetano.
“Just this week I found out maraming tinatago sa atin. Sino nagtatago, bakit tinatago I haven’t gotten to that. But I’ve finally seen the caches halos a half room full of documents. We’re going through it and people are either blatantly lying or just not speaking to us.”
Aniya, lubhang konserbatibo ang P23 bilyong price tag ng gusali. “A little bit conservative.”
“I have to consult the Senate President. But I will do my duties… Di ako pwedeng lumingon kasi na o ayan yung ethics, anong gagawin sa iyo doon. I have to look forward na yung goal maganda masunod yung design matapos kaagad at sa tamang presyo,” aniya.
Dahil dito, hiniling ni Cayetano kay Binay, kanyang pinalitan bilang chairman ng komite, kabilang sa Senate Coordinating Team at Department of Public Works and Highways tna ilantad ang lahat hinggil sa proyekto.
“Di ko alam bakit ganyan ang nagiging reaction ng marami, either frozen or nagkakalat ng gossip tungkol sa amin or politically may attacks when what we’re doing is the review. If they came forward and gave us everything we would have decisions by now,” ayon kay Cayetano.
“I consulted the President we want to do the technical decisions all within the month of August para walang further delays and then para nga yung cost hindi [tumaas],” dagdag ng senador.
Kasabay nito, sinabi ni Cayetano na bukas siya sa pakikipagkasundo pero hindi dapat maapektuhan ang pagrebyu sa proyekto.
“Secondary yung relationship namin, secondary yung if I can use the word tampuhan… I’m not perfect. I apologized to the public,” paliwanag ni Cayetano.
Naunang inihayag ni Binay na hindi humingi nang paumanhin si Cayetano sa kanya.
“Nais lang po natin linawin na ang apology was directed solely to the officials of the DPWH who attended the hearing. Salamat,” ayon kay Binay bilang reaksiyon sa pagkilala ni Senate Ethics Committee Chair Francis Tolentino apology sa huling pagdinig ng new Senate building.
“Gusto ko rin humingi ng paumanuin lalo sa mga nanunuood na alam niyo pag mataas yung mga emosyon, talagang minsan nagkakasagutan. We’ll deal with that issue later on we just all have to remind ourselves that eyes on the ball,” ayon kay Cayetano. Ernie Reyes
