MANILA, Philippines – Dahil sa inaasahang malalakas na pag-ulan dulot ng Habagat na pinalakas ng Typhoon Carina, sinuspinde ng Palasyo ang pasok sa mga trabaho sa pamahalaan at paaralan ngayong hapon ng Martes, Hulyo 23, 2024.
Sa inilabas na Memorandum Circular No. 57 ng Malakanyang, suspendido ang pasok sa mga opisina ng gobyerno at pasok sa mga paaralan sa lahat ng antas sa National Capital Region simula alas-2 ng hapon.
Ang suspension para sa mga pribadong kompanya at opisina ay ipinauubaya na sa mga namumuno. RNT/JGC
