Ilang bahagi ng NLEX ‘di madaanan sa baha

MANILA, Philippines- Hindi madaanan ng mga motorista ang ilang parte ng North Luzon Expressway dahil sa bahang dulot ni Bagyong Carina na pinalakas pa ng Southwest Monsoon.

Nagpalabas ng abiso ang NLEX Corp. sa mga motorista na ilang kalsada sa kahabaan ng toll roads nito ang hindi madaraanan dahil sa pagbaha. 

Batay sa 11 a.m. bulletin na ipinalabas ng PAGASA, nananatili ang Signal No. 2 sa Batanes, habang umiiral naman ang Signal No. 1 sa Babuyan Islands, hilagang bahagi ng mainland Cagayan (Claveria, Santa Praxedes, Sanchez-Mira, Pamplona, Abulug, Ballesteros, Aparri, Camalaniugan, Buguey, Santa Teresita, Santa Ana, Gonzaga), at hilagang parte ng Ilocos Norte (Burgos, Bangui, Pagudpud, Dumalneg, Adams). RNT/SA