MANILA, Philippines- Itinalaga bilang bagong hepe ng Correctional Institution for Women (CIW) sa Mandaluyong City si Corrections Technical Superintendent (CT/Supt.) Marjorie Ann P. Sanidad.
Inihayag ng Bureau of Corrections (BuCor) na pormal na naupo si Sanidad nitong Hulyo 15 kapalit ni C/SSupt. Daisy Sevilla-Castillote.
Sa idinaos na change of command, tiniyak ni Castillote ang buong suporta nito sa bagong superintendent sa mga magiging proyekto nito tungo sa reporma ng mga Persons Deprived of Liberty (PDLs).
Pinuri rin ni Castillote ang mga tauhan ng CIW sa kanilang dedikasyon at teamwork kaya naging matagumpay ang kanilang mga programa at proyekto.
Si Sanidad ay nagsilbing acting director ng Directorate for Reception and Diagnostic (RDC) na humahawak sa mga bagong turn-over na PDL sa BuCor. Teresa Tavares
