Isa patay sa pagsabog sa binabasbasang gusali sa Albay; pari, iba pa sugatan

ALBAY – Patay ang isang indibidwal habang 31 ang naiulat na sugatan sa nangyaring pagsabog sa isang commercial building sa Barangay Pinaric, Legazpi City, Albay bandang 11:30 ng umaga nitong Sabado, Hulyo 27, 2024.

Kinilala ang biktima na si Jurie Ramos Masarate, 42 anyos ng Brgy. Bagtang Sagpon, Daraga, Albay.

Ayon sa kamaganak, alas 12:40 kaninang madaling araw ng tuloyang mamaalam ang biktima.

Tatlong anak ang kaniyang naulila.

Nangyari ang pagsabog sa panahon ng pagbabasbas ng bagong bukas na food stall.

Base sa inisyal na imbestigasyon na galing sa itaas na bahagi ng gusali ang pagsabog at dahil sa lakas ng impak ay nadamay ang mga indbidwal na nasa ibaba ng gusali.

Kabilang sa mga nasugatan ang isang 71-anyos na pari mula sa Sagrada Familia, Barangay Bogtong, na dumalo sa blessing.

Patuloy ang imbestigasyon upang matukoy kung ano ang sumabog at kung ano ang sanhi nito.

Nasira ng pagsabog ang gusali, kabilang ang kisame at mga roll-up door, pati na rin ang maraming stall. Nasira rin ang ilang sasakyang nakaparada sa labas.

Nakatanggap ng tawag ang Legazpi City Police Station (CPS) mula sa 911 Legazpi bandang alas-12 ng gabi.

Mabilis na dumating sa lugar ang mga emergency responder, kabilang ang Emergency Quick Response Team (EQRT), Bureau of Fire Protection (BFP), Emergency Medical Services (EMS), at Philippine National Police (PNP) para magbigay ng tulong.

Ang mga nasugatan ay dinala sa pinakamalapit na ospital para sa paggamot. RNT