Kinumpirma ni Budget Secretary Amenah Pangandaman na walang confidential funds ang Office of the Vice President(OVP) sa ilalim ng panukalang 2025 national budget.
Ang pahayag ay ginawa ni Pangandaman sa isang pressconference na isinagawa matapos ang pagsusumite nito sa Kamara ng 2025 National Expenditure Program, ani Pangandaman, ang Confidential at Intelligence funds(CIFs) sa susunud na taon ay P10.28 Billion, mas mababa ito ng 16% kumpara sa 2024 budget na P12.378 Billion.
Sa P10.28 Billion CIF fund, 4.37 billion ang confidential funds at 5.92 billion pesos ang intelligence funds.
Ang mga ahensyang mayr CIFs ay ang Department of National Defense (P1.70B) ; National Intelligence Coordinating Agency (P991 million);Philippine National Police(P806 million) at PDEA(500 million); Department of Justice (P579.4 million) kasama dito ang Bureau of Immigration at NBI; Department of Finance (P79.5 million) kasama ang Bureau of Customs at Bureau of Internal Revenue; Department of Transportation(P405 million) kasama dito ang Philippine Coast Guard(PCG) at Commission on Human Rights(P1 million).
Matatandaan na sa deliberasyon ng 2024 proposed budget ay naging kontrobersiyal ang pagkakaroon ng CIF ng OVP, nang maipasa ang national budget ay tinanggalan ng confidential fund ang OVP. Gail Mendoza
