U.S. Secretary of Defense Lloyd Austin, U.S. Secretary of State Antony Blinken, Philippine Foreign Minister Enrique Manalo, and Philippine Defence Minister Gilberto Teodoro pose for a photo at Camp Aguinaldo, in Quezon City, Metro Manila, Philippines, July 30, 2024. REUTERS/Lisa Marie David
MANILA, Philippines- Nakipagpulong sina Secretary of State Antony J. Blinken at Defense chief Lloyd J. Austin III ng Estados Unidos kina Defense chief Gilberto Teodoro Jr. at Foreign Affairs chief Enrique Manalo ng Pilipinas sa Quezon City, araw ng Martes.
Ang bumibisitang mga opisyal ng Estados Unidos ay dumating sa Camp Aguinaldo para sa 4th Philippines-US Foreign and Defense Ministerial Dialogue kung saan inaasahan na pag-uusapan ang defense and security at economic cooperation.
Ayon sa government sources, inaasahan nila na tatalakayin ang pagtatapos bago pa ang yearend ng mahahalagang information-sharing pact tinawag na General Security of Military Information Agreement (GSOMIA).
“This will enable real-time information-sharing and technology cooperation across domains,” ayon pa rin sa source.
“During this year’s 2+2 Dialogue, the four Secretaries are expected to discuss how to further enhance our two countries’ commitment to the PH – U.S. alliance while enabling a common program in support of the rules-based international order, enhanced economic ties, broad-based prosperity, and solutions to evolving regional and global security challenges,” ang sinabi naman ng Department of Foreign Affairs (DFA).
Ang pagbisita nina Blinken at Austin sa Pilipinas ay nagbigay-diin sa high-profile support ng Washington sa longtime treaty ally sa kasagsagan ng umiigting na alitan sa pagitan ng Tsina at Pilipinas sa West Philippine Sea, o South China Sea, partikular na sa Ayungin Shoal, o mas kilala sa international name na Second Thomas Shoal, at Bajo de Masinloc o Scarborough Shoal.
Sa labas ng Camp Aguinaldo, may ilang progresibong grupo ang nagsagawa ng kilos-protesta laban sa bumisitang dalawang US officials.
Sa isang kalatas, sinabi naman ng Bayan na ang US officials ay nasa Pilipinas para “expand US military intervention and war mongering in the country and the region.”
“United States Defense Secretary Lloyd Austin and Secretary of State Antony Blinken are not welcome in the Philippines,” ayon sa Bayan.
Para sa Bayan, ang tulong mula sa Estados Unidos ay “self-serving” dahil magagamit ito para sa pagtatayo ng mas marami pang US military facilities sa Pilipinas at procurement ng surplus weapons mula mismo sa Estados Unidos. Kris Jose
