MANILA, Philippines- Nakatakdang bigyan ng United States ng $500 milyon o halos P29.3 bilyong military aid ang Pilipinas, ayon sa Washington’s Department of Defense (DOD).
Sa news release nitong Hulyo 26, sinabi ng DOD na iaanunsyo nina US Defense chief Lloyd J. Austin III at Secretary of State Antony J. Blinken ang assistance package sa pagbisita nila sa Pilipinas. Kasalukuyang nasa Manila ang dalawang opisyal para sa 4th Philippines-US Foreign and Defense Ministerial Dialogue.
Ibibigay ang foreign military financing ng US sa pamamagitan ng kamakailang national security supplemental na ipinasa ng US Congress, batay sa DOD.
“This unprecedented provision of security assistance, which is an order of magnitude greater that what we’ve recently provided to the Philippines on an annual basis will be a critical enabler of the Philippine defense moderation already underway,” wika ni Austin.
Base sa DOD, ang US at Pilipinas ay may siyam na US rotational access sites sa Manila sa ilalim ng Enhanced Defense Cooperation Agreement (EDCA).
Nilagdaan noong 2014, ginagawaran ng EDCA ang US troops ng access sa mga nakatalagang Philippine military facilities, na nagbibigay-daan upang makapagtayo sila ng mga pasilidad at maglagay ng equipment, aircraft, at vessels.
Inaasahang tatalakayin ng Philippine at US leaders ang defense, security, at economic cooperation sa 2+2 Dialogue. RNT/SA
