Wil to Win, inagahan, nganga sa ratings!

Manila, Philippines – Tiyak na maging si Willie Revillame ay dismayado sa ‘di umaangat na ratings ng kanyang Wil to Win.

Oo nga’t nilinaw ng TV host na hindi raw importante sa kanya ang ratings ay tila lumabas ‘yon sa ilong.

Echos lang niya na mas may timbang ang makapagpasaya ng tao.

Sa aminin man o hindi ni Willie, it’s still the ratings which determine the success of any TV show.

He should know that dahil hindi naman siya bagito sa mundo ng TV.

Nito ngang Lunes ay inagahan ng Wil to Win ang pagpasok nila sa ere.

The show came in at 4:30 pm (until 6:30 pm) hoping tiyak na papalo ito sa ratings.

Kaso, hindi ito ang nangyari.

Willie’s show rated 1.8% laban sa tinapatan nitong Voltes V na naka-4.7% to think na rerun na nga ito.

Hinihintay tuloy ng mga netizens kung kanino na naman ibubunton ni Willie ang sisi dahil sa mababang ratings ng kanyang show.

Knowing Willie nga naman daw, kailangan niyang maghanap ng scapegoat para ma-justify ang mga bagay na hindi umaayon sa kanyang kagustuhan.

Ang matindi ayon pa sa mga netizens, misnomer daw ang pamagat ng show niya given its poor ratings.

Dapat daw ay gawin na lang “Wil to Lose” ito!

Aray ko! Ronnie Carrasco III