MANILA, Philippines – Patay ang isang bise alkalde sa Maguindanao del Sur at isa sa kanyang mga security aide sa pananambang nitong Biyernes ng hapon.
Kinilala ang biktimang si South Upi Vice Mayor Roldan Benito, kung saan kasama niya ang mga miyembro ng kanyang pamilya, at security detail habang lulan ng isang pick-up truck sa Sitio Linao, Barangay Pandan nang mangyari ang pamamaril.
Sugatan sa insidente ang asawa ni Benito—isang barangay chairperson—ang kanilang anak, at isa pang security escort.
“Habang naglalakbay sa isang bulubunduking lugar, ang sasakyan ng mga biktima ay pinaputukan ng hindi kilalang mga indibidwal. The perpetrators fled the scene in a unknown direction after the incident,” ayon sa Bangsamoro Autonomous Region Police Office.
Tinutugis na ng pulisya ang mga suspek.
Sinimulan na rin ng South Upi Police at 57th Infantry Battalion ng Philippine Army ang clearing at pursuit operations.
Nagsasagawa na ng karagdagang imbestigasyon at masinsinang manhunt ang mga awtoridad para mahanap ang mga suspek.
Kinondena naman ni South Upi Mayor Reynalbert Insular ang pag-atake sa isang pahayag noong Biyernes.
“We are shocked and outraged by the brutal ambush that claimed the life of our beloved Vice Mayor Roldan M. Benito… This senseless act of violence against a committed public servant and his family has no place in our community, and we condemn it in the strongest possible terms,” aniya.
Idinagdag niya na ang lokal na pamahalaan ng South Upi ay malapit na makikipag-ugnayan sa pulisya at pakilusin ang lahat ng kanilang mga mapagkukunan “para sa isang komprehensibo at mabilis na imbestigasyon.” RNT
