MANILA, Philippines – Isang low pressure area sa hilagang Luzon ang naging tropical depression Igme ngayong Biyernes ng hapon, sinabi ng state weather bureau PAGASA.
Malabong direktang tamaan ni Igme ang Pilipinas at sa halip ay tutungo siya sa Taiwan, nauna nang sinabi ni PAGASA weather specialist Benison Estareja.
Samantala, ang habagat ay magdadala ng monsoon rains sa Zambales at Bataan, at paminsan-minsang pag-ulan sa Ilocos region sa Biyernes, sinabi ng weather bureau.
Ang Metro Manila, Northern Samar, Eastern Samar, Samar, at nalalabing bahagi ng Luzon ay makakaranas ng maulap na papawirin na may kalat-kalat na pag-ulan at pagkidlat-pagkulog.
Ang natitirang bahagi ng Visayas at Mindanao ay dapat asahan ang bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog. RNT
