Pormal na nag-sumite ng Certificate of Nomination and Acceptance (CONA) si Ang Kasangga Partylist first nominee George Royeca ngayong araw sa Commission on Election (Comelec).
“Panahon na po para mabigyan importansya ang ating mga riders sa bansa. Tayo ay kanilang kasangga at magiging boses sa Kongreso,” pahayag ni Royeca.
Nais ng Ang Kasangga Partylist na isulong ang mga polisiya at batas para sa kapakanan ng informal sector na magpapabuti sa kanilang buhay at tulungan ang nasa 18 milyong motorcycle rider na naghahanap buhay sa lansangan.
“Ngayon pa lang po ay naka-handa na ang mga batas na aming nais I-propose na magiging malaking tulong sa buhay ng mga riders at pamilya nito,” dagdag ni Royeca. RNT
