MANILA, Philippines- Nakaaapekto ang Intertropical Convergence Zone (ITCZ) at easterlies sa ilang bahagi ng bansa ngayong Linggo at magpapaulan sa ilang lugar, base sa PAGASA.
Umiiral ang ITCZ sa Southern Luzon, Visayas at Mindanao, ayon kay PAGASA weather specialist Grace Castañeda sa public weather forecast ng ahensya.
Inaasahan sa Bicol Region, Northern Samar, Oriental Mindoro, Marinduque, at Romblon ang maulap na kalangitan at kalat na pag-ulan dahil sa ITCZ.
Nagbabadya naman sa Visayas, Palawan kasama ang Kalayaan Islands, at Occidental Mindoro ang “mostly cloudy to cloudy skies with scattered rains and thunderstorms” dahil din sa ITCZ.
Makararanas ang Metro Manila, Calabarzon at natitirang bahagi ng bansa isolated rain showers at thunderstorms dahil sa ITCZ at easterlies.
“No Low Pressure Areas are being monitored for Tropical Cyclone formation as of 4AM today,” pahayag ng PAGASA.
Magkakaroon ang Bicol Region, Northern Samar, Oriental Mindoro, Marinduque, at Romblon ng slight to moderate seas at light to moderate winds mula northeast patungong north.
Iiral naman ang slight to moderate seas at light to moderate winds sa Visayas, Occidental Mindoro, at Palawan kasama ang Kalayaan Islands. RNT/SA
