MANILA, Philippines- Nadakip ng security forces ang tatlong communist rebels sa lalawigan ng Apayao, ayon sa Philippine National Police (PNP) nitong Huwebes.
Inihayag ng PNP Special Action Force (SAF) na ang mga suspek – alyas “Sam,” pinuno sa ilalim ng New People’s Army (NPA) Ilocos-Cordillera Regional Committee (ICRC); “Tanya,” miyembro ng NPA Regional Special District Group (RSDG); at “Annie,” miyembro ng Regional Youth Sector (RYS) – ay nadakip sa isang counter-insurgency operation ng mga miyembro ng 11th Special Action Battalion nito sa pakikipagtulungan sa 53rd Military Intelligence Company, sa Sitio Kuhuban, Barangay Manag sa bayan ng Conner town nitong Martes.
Nasabat din ng mga awtoridad ang iba’t ibang baril at pampasabog, kabilang ang dalawang assault rifles, dalawang short magazines na may bala, dalawang hand grenades, tatlong TNT high explosives, wires, dalawang 40mm high explosive dual purpose (HEDP) ammunition, at isang rifle grenade.
Nakuhanan din ang mga suspek ng limang mobile phones, tatlong external hard drives, dalawang SD memory cards, 13 micro sim cards, at medical paraphernalia.
Kasalukuyang nasa kustodiya ng Philippine Army sa Tabuk City, Kalinga ang tatlo para sa custodial debriefing. RNT/SA
