MANILA, Philippines- Inanunsyo ng Land Transportation Office (LTO) nitong Biyernes ang pagtanggal nito sa multa para sa late registration ng motor vehicles at renewal ng driver’s license bilang inisyatiba upang ibsan ang hirap ng mga apektado ng Severe Tropical Storm Kristine.
Sinabi ni LTO chief Assistant Secretary Vigor Mendoza II na ang rekomendasyon ng ahensya na pagkalos sa penalties ay aprubado na ni Transportation Secretary Jaime Bautista.
Sa isang memorandum, sinabi ni Mendoza na saklaw ng pagkalos sa multa ang late registration para sa mga sasakyan na may October 2024 expiration maging para sa driver’s license na mapapaso mula Oktubre 21 hanggang 31, 2024.
“The penalties shall be waived until November 8, 2024. The validity of the DLs and MV registrations falling within the mentioned period are likewise extended until November 8, 2024,” pahyaag ng LTO chief.
Aniya, ang ag-alis sa multa ay magiging nationwide coverage dahil tumama ang bagyo sa halos kabuuan ng bansa.
Batay sa ulat ng National Disaster Risk Reduction and Management Council, sinabi ng LTO na halos 2 milyong indibidwal ang apektado ni Kristine.
Sinabi ni Mendoza na ang pagpapataw ng penalty para sa new registration, pagbilang ng araw mula sa petsa ng Sales Invoice ay magsisimula lamang sa sunod na working day matapos ang November 8, 2024 para sa motor vehicles o mga motorsikloong binili mula October 21-31, 2024.
“The IT service providers shall see to it that the systems are ready immediately,” dagdag niya. RNT/SA
