MANILA, Philippines – Nagpulong ang Pilipinas, Japan at Estados Unidos sa isang informal trilateral discussion upang labanan ang economic coercion at ipanawagan ang economic resilience.
Ayon sa Ministry of Foreign Affairs ng Japan, sinabi na layon ng usapan noong Oktubre 25 na palakasin ang close coordination, batay sa Joint Vision Statement mula sa mga lider ng tatlong bansa at inisyu sa makasaysayan at kauna-unahang Japan-US-Philippines Summit noong Abril.
Ang tatlong bansa ay magtutulong-tulong para palawakin ang awareness ng mga isyu sa international community at palakasin ang resilience ng mga ito para tumugon sa posibleng economic coercion.
Co-chair ni Board of Investments Industry Department Services executive director Corazon Halili-Dichosa ang naturang diskusyon.
Dumalo rin sa pagpupulong sina United States Economic Growth, Energy, at Environment Office of the Undersecretary chief of Staff Jonathan Fritz at Ministry of Foreign Affairs ng Japan Economic Security Policy director Chihiro Mochizuki. RNT/JGC
