Inilabas ng Miami Heat ang estatwa ng franchise legend na si Dwyane Wade sa labas ng Kaseya Center kahapon.
Si Wade ang unang manlalaro sa kasaysayan ng franchise na pinarangalan ng isang estatwa.
Noong nakaraang taon, siya ang naging unang Heat draft pick na nakakuha ng induction sa Naismith Memorial Basketball Hall of Fame.
“Hindi ako naglalaro para dito,” sabi ni Wade sa isang talumpati pagkatapos maipakita ang rebulto. “Hindi ako kumuha ng basketball para dito. Kumuha ako ng basketball para baguhin ang buhay ng pamilya ko. … Hindi ko sana naisulat ang script na ito nang mas mahusay.”
Pinangunahan ni Wade ang Heat sa 2006 NBA title nang siya ay hinirang na Finals MVP.
Nakipagtulungan din siya kay LeBron James at Chris Bosh upang manalo ng mga titulo noong 2012 at 2013.
Ang ikalimang overall pick noong 2003 mula sa Marquette, naglaro si Wade ng 14-plus season sa dalawang stints sa Miami.
Si Wade ang 13-time All-Star na all-time leader ng club na may 21,556 points, 5,310 assists at 1,492 steals.
Matatatandaang si Wade, 42, ay nagretiro ng kanyang No. 3 jersey ng Heat noong 2020.
