SPAIN – Hindi bababa sa 95 katao ang nasawi sa posibleng pinakanakamamatay na pagbaha na tumama sa Spain sa modernong kasaysayan nito matapos bumuhos ang malakas na ulan sa silangang rehiyon ng Valencia, na winasak ang mga tulay at gusali, sinabi ng mga lokal na awtoridad noong Miyerkules.
Sinabi ng mga meteorologist na bumagsak ang pang-isang taon na pag-ulan sa loob ng walong oras sa bahagi ng Valencia noong Martes, na nagdulot ng mga pagbaha sa mga highway at nagpalubog sa mga sakahan sa isang rehiyon.
Inilarawan ng mga residente sa mga lugar na pinakamalubhang natamaan na nakakita sila ng mga taong umaakyat sa mga bubong ng kanilang mga sasakyan habang bumubulusok ang tubig na kayumanggi sa mga lansangan, bumunot ng mga puno at hinihila ang mga tipak ng masonerya mula sa mga gusali.
Sinabi ni Defense Minister Margarita Robles sa istasyon ng radyo ng Cadena Ser na ang isang yunit ng militar na dalubhasa sa mga rescue operation ay magsisimulang maghakot sa putik at ipinakalat na ang sniffer dogs para makahanap ng mga survivor maging mga posibleng nasawi.
Nang tanungin kung ang bilang ng mga biktima ay malamang na tumaas, sinabi niya: “Sa kasamaang palad hindi kami maasahin sa mabuti”. Ang mga koponan ay nagdala ng 50 mobile morgues.
Nangako si Punong Ministro Pedro Sanchez na muling itayo ang imprastraktura na nawasak at sinabi sa isang pahayag sa telebisyon: “Para sa mga taong sa sandaling ito ay naghahanap pa rin ng kanilang mga mahal sa buhay, ang buong Espanya ay umiiyak kasama mo.”
Hinikayat ng mga serbisyong pang-emerhensiya sa rehiyon ang mga mamamayan na iwasan ang lahat ng paglalakbay sa kalsada at sundin ang karagdagang opisyal na payo. RNT
