MANILA, Philippines — Nakumpiska ng mga operatiba ng Southern Police District (SPD) ang halos P1.11 milyong halaga ng droga at naaresto ang tatlong suspek kabilang ang isang binatilyo, sa isang buy-bust operation sa Taguig City Lunes ng gabi.
Sa ulat nitong Martes ng umaga, sinabi ng SPD na 163 gramo ng iligal na droga na nagkakahalaga ng tinatayang P1,108,400 ang nasabat sa Barangay Central Bicutan ng isang composite team mula noon sa SPD, Philippine Drug Enforcement Agency at Taguig City police.
Kinilala lamang ang mga naarestong suspek na sina alyas “John Paul”, 32; alyas “Jepoy”, 30; at alyas “Shawn”, isang 17 taong gulang na estudyante.
Dagdag pa ng SPD, narekober nito ang isang kargadong .45 caliber pistol. Dinala ang mga iligal na droga sa Forensics Unit ng distrito para sa pagsusuri.
Sina “John Paul” at “Jepoy”, na sinasabing “high-value” na mga indibidwal, ay dinala ng Taguig City Police Station.
Itinurn-over ng SPD ang menor de edad na si “Shawn”, sa Department of Social Welfare and Development para sa tamang disposisyon. RNT
