MANILA, Philippines- Inihayag ng Civil Aviation Authority of the Philippines (CAAP) na ang Pilipinas at ang mga aviation body ng Malaysia ay bumuo ng isang partnership para palakasin ang search and rescue (SAR) operations.
Ayon sa CAAP, kasama ang Civil Aviation Authority of Malaysia (CAAM) bilang bagong kapartner na bubuo ng mga estratehiya, at pagpapabuti ng koordinasyon para sa mga operasyon ng aeronautical SAR.
Inaasahang mapalalakas ng kanilang partnership ang kakayahan ng rehiyon na tumugon nang epektibo sa mga emergency at magpapatibay ng mga ugnayan sa pagitan ng dalawang bansa.
Idinagdag nito na binibigyang-diin ng partnership ang ibinahaging pangako ng Pilipinas at Malaysia sa pagtugon sa mga hamon sa SAR, pagpapahusay ng kooperasyong pangrehiyon, at pagtiyak sa kaligtasan at seguridad ng aviation sa kanilang mga teritoryo.
Bago ang partnership na ito, sinabi ni Apolonio na nilagdaan din ng CAAP ang mga kasunduan sa Japan, United States, at Australia para sa capacity building at technical assistance.
Kaugnay nito, sinabi ni Apolonio na tinitiyak ng CAAP na ang mga operasyon ng SAR ay sumusunod sa mga pamantayan ng International Civil Aviation Organization.
Aniya, ang aeronautical SAR operations ng Pilipinas ay nagbibigay-diin sa inter-agency coordination at community involvement. JR Reyes
