MANILA, Philippines – Pinag-aaralan ng Land Transportation Franchising and Regulatory Board (LTFRB) ang surge pricing mechanism para sa app-based ride-hailing o Transport Network Vehicle Services (TNVS).
Sa kabila nito, nangangamba ang grupo ng TNVS tungkol sa naturang hakbang at sinabing maaaring malugi ang mga drayber sa naturang hakbang sa kabila ng mataas na halaga ng gasolina at traffic sa Metro Manila.
Ayon kay LTFRB Chairman Teofilo Guadiz III, ang planong tapyas sa surge fees ay kasabay ng “clamor from the public for the LTFRB to revisit the algorithm” used by the ride-hailing services.
Ani Guadiz, ang LTFRB “decided not only to review the surge fee, but likewise the flag-down fee.”
“We will first study their algorithm which is the basis for their surge fee. If after evaluation, we see the need to reduce their surge fee, we will issue an order to that effect. It is premature and inaccurate to conclude at this moment that the fees will be reduced into half,” anang opisyal.
“As a matter of due process and courtesy to the TNVS drivers, we will give the ride-hailing app companies (TNC) an opportunity to justify their rate. Then we will hear the drivers. It is only after a thorough hearing that the LTFRB can come up with a conclusion on whether to reduce the fees of the TNCS,” dagdag pa niya.
Sinabi naman ng TNVS Community Philippines (TCP) na ang tapyas sa surge fee ay magreresulta sa “bleak Christmas” para sa mga drayber dahil sa kanilang “fear that this could substantially slash their take-home pay.”
“Malaki ang magiging epekto ng mga bagong regulasyon na ito sa kita ng mga TNVS drivers na babagtasin ang traffic na dulot ng kapaskuhan ngayong Disyembre. Maaaring malugi ang mga TNVS drivers sa gas, boundary, at iba pang gastusin lalo na at mas matagal ang kailangan naming biyayihin para sa parehas na distansya dahil sa traffic,” saad sa pahayag ng TCP.
Anang grupo, sa surge fee lamang nakakabawi ang mga drayber sa mga pagkalugi nito.
“Nang dahil sa surge fee na aming nakukuha nang buo, kami ay nakakabawi mula sa mga dagdag na gastusin ngayong Kapaskuhan. Ang modelo at ceiling ng surge pricing ay alinsunod sa mga regulasyon na nailathala na ng LTFRB.”
Dahil dito ay hinimok ng TCP ang LTFRB na magkaroon ng dialogue sa mga maaapektuhang drayber.
Para naman kay Guadiz, sinabi nito na “we commiserate with the sentiments of the TNVS drivers.”
“However, the LTFRB is not created by the law to favor any single party, but the public in general. The agency has to exact a balancing act between the interest of the public and that of the TNVS drivers,” aniya. RNT/JGC
