MANILA, Philippines – Nagpasalamat si Philippine Army chief Lt. Gen. Roy Galido kay Pangulong Ferdinand R. Marcos Jr. sa pag-apruba ng pagtaas ng daily subsistence allowance ng mga sundalo mula P150 patungong P350.
“Mr. President, thank you very much for the increase in our subsistence allowance. Our soldiers will be assured that they have proper nourishment in their very active profession,” ani Galido sa kanyang talumpati sa ika-128 founding anniversary ng kasundaluhan.
Nilagdaan sa ilalim ng Executive Order 84 noong Marso 14, ang pagtaas ay epektibo mula Enero 1, 2025, na may PHP16.89 bilyong pondo.
Ipinunto ni Galido ang mga hakbang para sa kapakanan ng mga sundalo, kabilang ang mobile kitchens para sa masustansyang pagkain sa field at mas pinahusay na transportasyon gamit ang reserve units.
Binigyang-diin din niya ang pagsasanay, modernisasyon, at mentorship programs para sa mas mahusay na kasanayan at pamumuno ng mga sundalo. RNT
