MANILA, Philippines – Isang mag-asawa at ang kanilang 15-anyos na anak ang natagpuang patay sa loob ng kanilang bahay sa Barangay Managoc, Malaybalay City, Bukidnon.
Base sa pulisya, nagtamo ng sugat sa ulo at katawan ang mga biktima.
Nakuha ng pulisya ang isang maso at bakal na tubo sa crime scene.
Nakatakas naman ang dalawa pang anak ng mag-asawa, edad 10 at 8, at agad na humingi ng tulong sa barangay kinaumagahan.
Nangyari ang krimen Miyerkoles ng gabi.
Hindi itinuturing na motibo ang pagnanakaw dahil hindi kinuha ang mga gamit ng pamilya. RNT
