MANILA, Philippines – Inilarawan ni Vice President Sara Duterte ang appointment ni Maj. Gen. Nicolas Torre III bilang hepe ng Philippine National Police (PNP) bilang “too sketchy.”
Tinukoy niya ang findings mula sa imbestigasyon ng Senado sa pag-aresto sa kanyang amang si dating Pangulong Rodrigo Duterte.
Matatandaan na si Torre ang nanguna sa pag-aresto kay Duterte at itinurn-over sa International Criminal Court sa The Hague.
Kinwestyon ni VP Sara ang appointment appointment ni Torre na batay sa findings ng Senate panel na dapat ay mapanagot sa iba’t ibang paglabag na may kaugnay sa pag-aresto.
“So, why would you make him chief of police? That decision is way too sketchy,” anang Bise Presidente.
Ikinumpara ni Duterte ang appointment ni Torre sa appointment ni Leyte First District Representative Martin Romualdez sa House speakership.
Naniniwala ang Bise Presidente na hindi dapat si Romualdez ang pinuno ng kapulungan na sangkot umano sa bribery case sa Estados Unidos.
Nang tanungin naman si VP Sara kung ano ang mangyayari sa ilalim ng liderato ni Torre, aniya:
“Well, I don’t think our country will become any better or improve because of this.” RNT/JGC
