MANILA, Philippines- Patuloy na nakikipag-ugnayan ang Pilipinas sa mga kaukulang opisyal sa United States hinggil sa tariff rates at policies, ayon kay Palace Press Officer Undersecretary Atty. Claire Castro nitong Huwebes.
Sa isang press briefing, tinanong si Castro kung tumugon na ang Manila sa panawagan ng Washington sa kanilang trading partners na magbigay ng kanilang ”best offers” ukol sa trade negotiations.
”According to the Department of Trade and Industry and the Office of the Special Assistant to the President for Investment and Economic Affairs, they are in constant communication with the US Trade Representative,” ani Castro.
”But they cannot divulge or give any details about this because we are covered by the confidentiality agreement,” dagdag niya.
Batay sa isang ulat, nais ng Trump administration na magbigay ang mga bansa ng kanilang “best offer” sa trade negotiations sa layunin ng mga opisyal na pabilisin ang pakikipag-usap sa iba’t ibang partners bago ang self-imposed deadline na limang linggo.
Sa 46th ASEAN Summit and Related Summits noong nakaraang linggo, inihayag ni Pangulong Ferdinand ”Bongbong” Marcos Jr. ang kanyang suporta sa non-retaliatory measures ng ASEAN hinggil sa pagbabago kamakailan sa tariff policy ng United States.
Nakipagpulong naman ang Philippine officials kay US Trade Representative Jamieson Greer at tinalakay ang “mutually beneficial ways to strengthen the bilateral relations” sa gitna ng 17% tariff rate na ipinataw ng Washington sa Manila. RNT/SA
