MANILA, Philippines – Plano ng National Bureau of Investigation (NBI) na magtayo ng akademiya sa Alfonso, Cavite kung saan ang mga aplikante at incumbent personnel ay maaring masanay at muling magsanay sa iba’t-ibang investigative at intelligence work.
Sinabi ni NBI Director Jaime Santiago na may akademiya sa Baguio City ngunit maliit para sa pangangailangan ng bureau.
Ayon kay Santiago, binisita niya si Alfonso Mayor Randy Salamat upang talakayin ang posibleng paglalagay ng bureau academy sa bayan.
Sinabi ni Santiago na binisita rin niya ang bayan ng Lian at Nasugbu, Batangas kung saan ilalagay naman ang sattelite office ng bureau. (Jocelyn Tabangcura-Domenden)
