MANILA, Philippines – Kinumpirma ng mga kinatawan ng Kamara na natanggap na nito ang resolusyon ng Korte Suprema na humihingi ng karagdagang impormasyon at mga dokumento kaugnay sa mga petisyon sa impeachment kay Vice President Sara Duterte, at dapat itong sumunod.
“We confirm receipt of the notice sent by the Supreme Court yesterday, July 10, 2025. The matter has been forwarded to appropriate offices and has taken note of the directive of the court,” ayon kay House Secretary General Reginald Velasco.
“We will see kung ano yung order ng Supreme Court. Pag-aaralan ng legal department. We will also consult the prosecution team kung ano yung isasagot sa any order from the Supreme Court,” dagdag nito.
Nanindigan din si Velasco na hindi nilabag ng kanyang tanggapan ang Rules on Impeachment nang hindi niya agad ipinadala ang unang tatlong impeachment complaints sa Office of the Speaker.
“Wala. Kasi nga under our rules kasi, yung impeachment complaint will stay with the Office of the SecGen and then will be referred at the time na okay na,” paliwanag ni Velasco.
“Wala naman kasi timeline din yung from the SecGen to the Speaker,” dagdag pa niya.
Ipinaliwanag din ni Velasco na ilang miyembro ng House of Representatives ang humingi sa kanya ng karagdagang panahon para maghain ng kanilang impeachment complaint.
“Nagpahintay yung ibang congressman na huwag munang i-refer kay Speaker kasi nga meron pa silang complaint na mas maraming mage-endorse because of the time constraint, di ba? Pag ni-refer kasi yung, I mean if we follow the timeline, refer kay Speaker, refer sa (Committee on) Rules, and then refer sa (Committee on) Justice. Remember sa Justice 60 days yon so masyado matagal yung proseso. So they requested me na maghintay lang for another complaint which will be endorsed by the required one-third,” aniya.
Nanindigan din si Velasco na kahit na itinatadhana ng Rules on Impeachment na dapat niyang agad na ipadala ang beripikadong reklamo sa Office of the Speaker, ang mga patakaran ay hindi tumutukoy ng isang tiyak na time frame.
“Immediate. Pero wala rin time yon. Parang yung sa forthwith yon, di ba? Sa forthwith, wala rin timeline doon eh. Trial shall proceed forthwith, wala rin timeline. So it’s up to the interpretation of the official concerned,” paliwanag niya.
Sinabi ni House impeachment prosecutor Rep. Joel Chua ng Maynila na susunod ang Kamara sa mga utos ng Korte Suprema.
Sinabi ng tagapagsalita ng Kamara na si Princess Abante na ang usapin ay isinangguni sa abogado ng Kamara.
“We have already referred the Resolution to the Office of the Solicitor General (OSG), as our counsel, and shall coordinate closely with the OSG to ensure the submission of the required information within the non-extendible period of ten days provided by the Supreme Court,” pahayag ni Abante. RNT/MND
