INDONESIA – Niyanig ng magnitude 6.7 na lindol ang eastern Indonesia nitong Lunes, Hulyo 14.
Ayon sa US Geological Survey, ang lindol ay tumama 12:49 ng hapon at ang epicenter nito ay naitala sa layong 177 kilometro kanluran ng Tual, eastern Maluku province.
May lalim itong 66 kilometro.
Sinabi naman ng Pacific Tsunami Warning Center na walang banta ng tsunami ang nangyaring paglindol.
Wala ring iniulat na nasawi o napinsala sa naganap na lindol. RNT/JGC
