MANILA, Philippines – Patuloy na minomonitor ng PAGASA ang tatlong low pressure areas (LPA) sa loob at labas ng Philippine area of responsibility,
Ayon sa PAGASA nitong Martes, Hulyo 22, sinabi na namataan ang LPA 1,140 kilometro silangan ng Central Luzon at may mataas na tsansa na maging isang tropical depression sa susunod na dalawamput apat na oras.
“Low Pressure Area (LPA 07g) being monitored inside the PAR and is now ‘HIGH’ potential of developing into a tropical depression within the next 24 hours,” ayon sa PAGASA.
Ang isa pang LPA ay namataan naman 225 kilometro silangan ng Basco, Batanes at may katamtamang tsansa na maging isang tropical depression.
“Low Pressure Area (LPA 7h) is also being monitored inside PAR and still has a ‘MEDIUM’ potential of developing into tropical depression within the next 24 hours.”
Samantala, mayroon ding bagong LPA ang namataan sa labas ng PAR na may katamtaman ding tsansa na maging isang tropical depression sa susunod na 24 na oras.
“Meanwhile, another Low Pressure Area (LPA 07i) is being monitored outside PAR and has ‘MEDIUM’ potential of developing into a tropical depression within the next 24 hours.”
Hinimok ng ahensya ang publiko na magmonitor sa mga update patungkol dito. RNT/JGC
