MANILA, Philippines – NANINIWALA si Pangulong Ferdinand Marcos Jr. na ang ugnayan ng Pilipinas sa Estados Unidos ay nakapag-ambag para mapanatili ang kapayapaan at katatagan sa South China Sea at Indo-Pacific region.
Ipinahayag ito ng Pangulo sa kanyang naging pakikipagpulong kay US Defense Secretary Pete Hegseth bilang bahagi ng kanyang ‘official visit’ sa Estados Unidos.
“I believe that our alliance, the United States and the Philippines, had formed a great part in terms of preserving the peace, in terms of preserving the stability of the South China Sea. But I would even go as far as to say in the entire Indo-Pacific region,” ang sinabi ng Chief Executive.
Binigyang diin din ng Pangulo ang pangangailangan para sa pagpapatuloy ng bilateral discussions sa gitna ng mabilis na paglilipat o pagbabago ng geopolitical dynamics.
Ikinalugod naman ng Pangulo ang nagpapatuloy na suporta ng gobyerno ng Estados Unidos sa pamamagitan ng joint military exercises at ang nagpapatuloy na modenisasyon ng Armed Forces of the Philippines (AFP).
“That forms a very, very important part of that relationship. And again, it is a proper response considering the challenges that we face in the Philippines specifically vis-à-vis the changing geopolitical forces and the political developments around our part of the world,” ang winika ng Pangulo.
Sa kabilang dako, inalala naman ni Pangulong Marcos ang naging pagbisita ni Hegseth sa Pilipinas nito lamang Marso ng taong kasalukuyan, inilarawan niya ito bilang “important symbol” ng matatag na relasyon sa pagitan ng dalawang bansa at muling pagpapatibay ng kanilang commitment sa Mutual Defense Treaty.
“We must continue to be in discussion. We must continue to evolve that relationship as the circumstances, the context in which we operate has evolved,” ayon sa Pangulo.
Samantala, sa naging pagbisita ni Pangulong Marcos sa Pentagon, kasama niya sina Defense Secretary Gilberto Teodoro Jr., National Security Adviser Eduardo Año, Presidential Adviser for Investment and Economic Affairs Frederick Go, Philippine Ambassador to the US Jose Manuel Romualdez, at Defense Undersecretary Salvador Melchor Mison Jr., pinangasiwaan ang ‘acquisition at resource management.’
Pinagkalooban naman si Pangulong Marcos ng isang “an enhanced honor cordon” sa pagdating nito sa Pentagon, isang ceremonial welcome na nakalaan para sa high-ranking foreign dignitaries at military leaders. Kris Jose
