MANILA, Philippines – Ipinag-utos ng Office of the Ombudsman ang six-month preventive suspension ng Pangulo at General Manager ng Government Service Insurance System (GSIS) na si Jose Arnulfo “Wick” Veloso, kasama ang anim iba pang opisyal sa pagbili ng P1.45 billion ng preferred shares mula sa Alternergy Holdings Corp. (AHC) noong Nobyembre 2023.
Sa pitong pahinang kautusan na may petsang Hulyo 11 at inilabas sa media nitong Martes, Hulyo 22, ipinag-utos ng Ombudsman ang suspensyon ni Veloso at mga sumusunod na opisyal ng GSIS:
Executive vice president Michael Praxedes
Executive vice president Jason Teng
Vice President Aaron Samuel Chan
Vice President Abigail Cruz-Francisco
Officer II Jaime Leon Warren
Acting Office IV Alfredo Pablo
Batay sa kautusan, sinabi ng Ombudsman na nakakita ito ng “sufficient grounds” para ipatupad ang preventive suspension kay Veloso at anim iba pa at sinabing mayroong “strong evidence showing their guilt” para sa grave misconduct, gross neglect of duty, at paglabag sa reasonable office rules and regulations.
Ang kautusan ay agad na ipatutupad sa ilalim ng Section 27 (1) ng Republic Act No. 6770, o Ombudsman Act of 1989.
Ayon sa Ombudsman, ang suspensyon ay nag-ugat sa rekomendasyon batay sa resulta ng imbestigasyon na may petsang Enero 30 ngayong taon.
Noong Nobyembre 7, 2023, nag-subscribe ang GSIS sa 100 milyong preferred shares ng Alternergy sa P14.50 per share sa ilalim ng private placement.
Sa pagtukoy sa ROI, sinabi ng Ombudsman na ang perpetual preferred shares na binili ng ahensya ng pamahalaan ay ginawa nang walang approval ng GSIS board of trustees.
Nakita ng mga imbestigador ang pitong opisyal na lumabag sa probisyon ng 2022 GSIS Investment Policy Guidelines dahil sa mga sumusunod na dahilan:
The perpetual preferred shares were not listed with the Philippine Stock Exchange on the dates of the execution of the agreement and payment of the subscription.
The investment was non-compliant with the minimum market capitalization and exceeded the free float market capitalization cap.
The preferred shares were purchased without the necessary endorsement from the assets and liabilities committee and the risk oversight committee for the approval of the board of trustees. RNT/JGC
