MANILA, Philippines – Inanunsyo ng Metropolitan Manila Development Authority (MMDA) at pamahalaang lungsod ng Makati na suspendido ang number coding scheme ngayong Huwebes, Hulyo 24, dahil sa malakas na ulan at pagbaha.
Ito na ang ikatlong sunod na araw na suspendido ang patakaran dahil sa masamang panahon.
Pinayuhan ng MMDA ang mga motorista na mag-ingat at manatiling updated sa weather at flood alerts.
Paalala rin ng Makati LGU na maaaring tumawag sa 168 para sa emergency. Santi Celario
