Ipinahayag ni Senate President Francis “Chiz” Escudero sa kanyang press conference ngayong Martes, Hulyo 29, kaugnay sa naging desisyon ng Korte Suprema na nagdedeklarang “unconstitutional” ang inihaing Articles of Impeachment laban kay Vice President Sara Duterte.
“Nakalagay kasi sa desisyon ng Korte Suprema walang jurisdiction ang impeachment court. Walang jurisdiction ang Senado na dinggin pa ang mga Articles of Impeachment,” aniya.
Ipinahiwatig din ni Escudero na posibleng hindi na manumpa ang mga bagong senador bilang senator-judges ng impeachment court dahil sinabi na umano ng Korte Suprema na walang jurisdiction ang impeachment court sa Articles of Impeachment laban kay VP Sara.
Nang tanungin naman siya kung hindi na kailangan mag-convene ng impeachment court, sinabi niya na: “Yes, and if the Senate will act on it, the Senate should act on it as a Senate in plenary. (CESAR MORALES)
