MANILA, Philippines – Walang nakuhang profile ng DNA mula sa mga buto na narekober sa Taal Lake, inihayag ng Philippine National Police (PNP) nitong Huwebes.
Hindi bababa sa 91 buto ang narekober mula sa limang sako na nakuha mula sa lawa noong Hulyo, nauna nang sinabi ng PNP Forensic Group.
“Accordingly, we could no longer extract any DNA profiles from the bones. It was already contaminated,” saad ni PNP spokesperson Brig. Gen. Jean Fajardo sa press briefing sa Camp Crame.
“The challenge there is that they were submerged for a long time,” paliwanag niya.
45 na mga buto ang narekober mula sa unang sako na natagpuan sa lawa noong Hulyo 10, habang 46 pa ang nakuha sa ikaapat at ikalimang sako na natagpuan sa lawa noong Hulyo 12.
Noong Hulyo 15, sinabi ng PNP Forensic Group na anim sa mga buto ay maaaring nagmula sa tao.
Samantala, noong Hulyo 16 noong nahukay ang tatlong bangkay malapit sa Taal Lake ay nagbunga ng tatlong DNA profile – dalawang lalaki at isang babae, ayon kay Fajardo.
“However, it’s a negative when it comes to the matching of the pieces with the 23 DNA references of those who came forward from the families of the sabungeros and provided DNA profiles,” sabi ni Fajardo.
Ang whistleblower na si Julie “Dondon” Patidongan (Alyas Totoy) ang nagsabi, sa isang panayam sa GMA News noong Hunyo, na ang mga sabungero ay pinatay, itinali sa mga sandbag at itinapon sa Taal Lake. RNT/MND
