MANILA, Philippines – Mahigit P20 bilyong halaga ng mga proyekto sa barangay ang natapos sa nakalipas na tatlong taon, ayon sa Department of Interior and Local Government (DILG).
Sa isang pahayag nitong Biyernes, sinabi ng DILG na 5,590 proyekto ang natapos sa pamamagitan ng Support to Barangay Development Program (SBDP) mula 2022 hanggang 2025.
Idinitalye pa ng departamento na ang mga proyektong natapos ay kinabibilangan ng 2,933 farm-to-market roads; 877 sistema ng tubig at kalinisan; 664 na proyekto ng elektripikasyon; 606 na istasyon ng kalusugan; at 510 mga gusali ng paaralan.
Ayon sa ahensya, tumaas ang budget para sa SBDP mula P4 milyon noong 2022 hanggang P7.5 milyon noong 2024.
“This sustained funding is essential in ensuring barangays have the infrastructure and services needed to support peace and development,” saad ng DILG.
“These investments are part of the government’s broader strategy to build stronger communities from the ground up and sustain peace and development,” dagdag pa nito. RNT/MND
