Kapwa tinintahan ng Pilipinas at India ang bagong tourism cooperation agreement na naglalayong itaas at dagdagan ang Indian tourist arrivals sa Pilipinas at palakasin ang bilateral tourism ties.
Ang nilagdaang Implementation Program on Tourism Cooperation for 2025 to 2028 ay nangyari sa state visit ni Pangulong Ferdinand R. Marcos Jr. sa India.
Sinaksihan naman nina Pangulong Marcos at Indian Prime Minister Shri Narendra Modi ang ceremonial signing.
Pinangunahan naman nina Department of Tourism (DOT) Secretary Christina Garcia Frasco at India’s Minister of State for External Affairs at Textiles Shri Pabitra Margherita ang pagpapalitan ng dokumento sa ngalan ng kani-kanilang gobyerno.
“India and the Philippines share a centuries-old friendship built on cultural understanding, warmth, and respect,” ang sinabi ni Frasco.
“This Implementation Program reaffirms our commitment to unlocking the full potential of our tourism linkages—from policy exchange and capacity building to investment promotion and cultural tourism,” ang sinabi ng Kalihim.
Binalangkas sa programa ang ilang joint initiatives na naglalayong i-promote ang tourism growth, kabilang na ang mutual efforts sa ‘marketing, training, tourism management, at cultural and people-to-people exchanges.’
Kasama rin dito ang pagtutulungan sa ‘wellness tourism, cruise tourism, adventure travel, education, at sustainable tourism practices.’
Sa isang joint press statement kasama si Modi, sinabi ni Pangulong Marcos na ang kasunduan ay sumasalamin sa makasaysayan at lumalagong relasyon sa pagitan ng dalawang bansa.
“In this respect, I reiterated our introduction of visa-free country entry privileges and extended our invitation for more Indian tourists to visit the Philippines,” ang sinabi ni Pangulong Marcos.
“I thank Prime Minister Modi in turn for the introduction of a scheme to grant visa free-of-charge to Filipino tourists traveling to India,” aniya pa rin.
Sa kabilang dako, kinumpirma rin ng Pangulo ang pagpapatuloy ng direct flights sa pagitan ng Delhi at Maynila simula Oktubre 2025.
Tinanggap naman ni Modi ang bagong visa policies at sinabing nag-aalok ang India ng free e-visas sa mga byahero mula Pilipinas.
Winika pa nito na ang pagsisikap ay gagawin upang ilunsad ang direct flights sa loob ng taon para gawing mahusay ang connectivity.
Ayon sa DOT, “Indian tourist arrivals to the Philippines reached 51,116 from January to July 2025.”
Kasama ang pagpapatupad ng visa waivers at pagbabalik ng direct air services, inaasahan naman ng mga Philippine tourism officials ang matatag na paglaki at karagdagan sa Indian arrivals sa susunod na mga taon.
Samantala, ang Implementation Program ay imo-monitor ng Joint Working Group na binubuo ng mga tourism official mula sa dalawang bansa.
Susubaybayan ng grupo ang progreso ng kasunduan sa ilalim ng binalangkas na memorandum of understanding ukol sa tourism cooperation na nilagdaan sa Maynila noong 2019. /Kris Jose
