MANILA, Philippines – Inaresto ang 28-anyos na vlogger sa Koronadal City, South Cotabato dahil sa reklamo ng cyber libel.
Sa ulat mula sa city police station na pinamunuan ni Lt. Col. Peter Pinalgan, sinabi na nagsagawa ng operasyon ang joint police team mula sa naturang lungsod at Davao City para sa ikaaaresto ni Jeren Jude N. Bacas, single, kilala bilang si TG o Thailand Girl.
Ang suspek ay naaresto 11:56 ng umaga sa tirahan nito sa Barangay Morales.
Si Bacas ay sinampahan ng reklamong paglabag sa online libel ng Republic Act 1017 o Cyber Crime Prevention Act of 2012.
Ang kaso niya ay nasa ilalim ng Criminal Case No. R-DVO-25-02683.
Nag-isyu ng warrant of arrest sa Davao City si Judge Clarissa Superable, presiding judge ng Regional Trial Court Branch 52, noong Mayo 20.
Inirekomenda ng korte ang piyansang P48,000.
Nananatili si Bacas sa Koronadal police station habang hinihintay ang commitment order mula sa korte na nag-isyu ng warrant. RNT/JGC
